ganz komuni mönsche

fürcho

mir bruuche
en ätti
wo luegt
für is

sys znüni
isch e bitz
ruuchbrot
imene gstabige
verrunzlete metzgerpapier

am viertelabsibni
geit er ga wärche
syner lüt vor ouge
si sölle s zu öppisem
bringe

ds müeti
achtet
uf sech sälber
chuum

es isch gwunderig
immer wieder
pröblets a sache
u sächeli ume
für die chlyne
stünggle
meischtens glingt s ihm
      für ds müeti
      isch das so öppis
      win es unerchants
      spiel

ätti u müeti
hei gwählt
      zersch üser chind

i ihrem hinderchopf
wüsse si s
      zuerst ich und dann
      die andern
      gibt uns nicht
      was wir eigentlich wollen